محكمة كرسي الإعتراف للأسبوع الأول

سوف نبدأ كرسي الإعتراف للأسبوع الأول بمجموعة من الأعضاء الشباب

زائر

اوكى وبالنسبه احنا هانعمل لكل شخص فى كل اسبوع موضوع لوحده مشان نتفرج على فضايحهم بعدها
هههههههههههههههههههههههههه
يلا يلا صوتوا على الشباب دول علشان يمووتوا

1 - هل اللى هيقعد على كرسى الاعتراف مجبر على انه يجاوب على جميع الاسئلة ؟
2 - هل اللى هيقعد على كرسى الاعتراف ممكن يقعد تانى ؟
3- هل كل مرة اختيار اللى هيقعد على كرسى الاعتراف هيكون بالاستفتاء ؟
4- هل كل مرة اللى هيقعد على كرسى الاعتراف هيبقى من الشباب ؟

االي يقعد على كرسي الإعتراف مجبر أنه يجاوب على كل الأسئلة المطروحة عليه أيا كانت

اللي يقعد على كرسي الاعتراف ممكن يقعد تاني بس بعد 4 دورات على الأقل

لازم كل مرة الاختيار يكون بالاستفتاء

مش لازم .. مرة شاب ومرة بنت

المتهم الأول بمحكمة كرسي الإعتراف هو العضوshababwebanat

متى ستبدأ أول محاكمة

ستبدأ أو محكمة اليوم في تمام الساعة 12 اوكي

........ولكن............

يجب على أي عضو تم إختياره في كرسي الاعتراف أن يجاوب على كل الأسءلة دون تردد أو كذب أو مراوغة
ويجب على الأسئلة أن تكون في نطاق الأدب والصداقة .. مع مراعاة أننا شباب لم نتجاوز الــ 20 عاماً

بسم الله
يشرفنى اسالك اول سؤال :
مين اكتر شخص حبيته وايه السبب ؟ ومين اكتر شخص كرهته وايه السبب ؟

ياترى
انت صادق فى معاملاتك مع اصدقائك؟
شايف الفلوس ايه بالنسبه لك؟
انت ايه رايك فى الخيانه من ناحيه الاصدقاء؟
وياترى انت لما تحس ان صديق حبك اوى ايه هو ردك على حبه ده؟

ياريت الرد بصدق

ردي على آسر.........
أكتر شخص حبيته هو البيلي.
وأكتر شخص كرهته هي بنت كنت بحبها بس اتضحلي إنها بتلعب بيا ... فعلى قد ماحبيتها على قد ماكرهتها

ردي على السعودي.............

- عمري ما عاملت حد حلو وأنا مش بحبه
- الفلوس عبارة عن عامل مساعد للبحش عن الراحة الجسدية وليست الراحة النفسية.
- اللي يخون صديقه ده يبقى حاجة من الاتنين .... يإما هو مكنش صاحبه من الأول ... يإما هو ميعرفش يعني ايه كلمة صاحب.
- مش كل إنسان يحبني لازم أنا أحبه بنفس الدرجة ... ممكن احترمه ،استرجله،أما إني أحبه بنفس الدرجة فده مش شرط
بس انا عن نفسي أنا مش بحب حد يحبني بطريقة زايدة عن الحد لأني بتخنق من كدة وبحس إني وحش علشان مش بقدر أديله نفس كمية الحب دي .

ايه هو نشاطك فى اليوم بالتفصيل من اول ما تصحى حتى لمل تنام

geek

ريدي على زيمو..........

أنا بصحى الساعة 3 العصر أستحمى وأصلي الظهر وبعدين بتغدى وبقوم لابس ورايح مدرسة البشاير علشان ألعب كورة أو ألعب بينج وبيلياردو....وبعدين أرجع أصلي العصر والمغرب والعشاء مع بعض...وبعدين أقعد على الكومبيوتر وأفتح المنتدى لحد ما الفجر يأذن وبعدين أصلي واكلم حبيبتي في التليفون وأنام على الساعة 7 أو 8 وبعدين أرجع تاني أصحى الساعة 3 ....... وهكذا
روتين ممل بس أنا بعرف إزاي أستمتع بيه

زائر

انت مش بتعمل حاجه اساسا فى حياتك غير انك تاكل وتصلي وتروح المدرسه وتنام وبس

سؤالى بقي
انت بتحب اللى بتحبها بجد وباخلاص ولا لأ ولو بتحبه هل بتحاول باي حاجه حتى لو مش قصدك انك تجرحها

ايه اكتر مغنى بتحبه

ايه اكتر حاجه بتحب تعملها فى حياتك يا عبدالرحمن

ليه بحاول انك ماتسعدش الى حوليك ابدا مهما عاملو ليك من اشياء بتسعدك

بكتفي بكده لحد مايوصلني الرد

pretty eyes كتب:: انت بتحب اللى بتحبها بجد وباخلاص ولا لأ ولو بتحبه هل بتحاول باي حاجه حتى لو مش قصدك انك تجرحها

ايه اكتر مغنى بتحبه

ايه اكتر حاجه بتحب تعملها فى حياتك يا عبدالرحمن

ليه بتحاول انك ماتسعدش الى حوليك ابدا مهما عاملو ليك من اشياء بتسعدك

أكيد طبعاً بحب البنت اللي بحبها........ هو أنا آه جرحتها كتييييييييييييييييييييييييير بس مش بيبقى قصدي وهي عارفه كدة

أكتر مغني بحبه هو تامر عاشور ومحمد نور

بحب أعمل أي حاجة تثبت لأمي إني راجل وقد المسئولية .... لأني بحس في ساعتها إني طاير في السما

أكيد مفيش حد بيزعل اللي بيحبه بس في حاجات بتبقى غصب عني.... يعني حسب الظروف ... زي ما بقولوا قضاء وقدر
أما عن نفسي أنا عمري ما فكرت أجرح حد عمل معايا ولو موقف رجوله واحد

ممكن سوال تانى حبيبتك الى انت بتحبها معانا على المنتدى ولو معانا اسمها ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انت شايف انك انسان كويس؟ ولو شايف انك وحش قول ايه السبب

ايه معنى الحب بالنسبه ليك؟

لما تكون مضايق بتروح فين؟

عضو داخل مزاجكفى المنتدى؟

ايه اكتر حاجه بتحبها فى حياتك؟

ردي على زيمو............

لأ يا حازم حبيبتي اللي بحبها مش معانا على المنتدى
ومينفعش أقول إسمها لأن كدة غلط على الزلط

ردي على بلاي بوي.............

بص يا أحمد.............
أنا شايف إني إنسان مش كويس ومش وحش
مش كويس علشان بضعف قدام شيطاني
ومش وحش علشان عارف يعني إيه راجل ويعني إيه صاحب ويعني إيه حبيب

ردي على حسين منصور...............

الحب مش كلمة بتتقال ما بين اتنين بينهم إعجاب أو مشاعر عاطفية
الحب عبارة عن مسئولية تنشأ بين المحبوبين للحفاظ عن حبهما.

لما بكون متضايق بنام على السرير وأراجع نفسي وأشوف أنا عملت إيه غلط علشان أوصل للي أنا فيه.

والله المنتدى كله أعضاء جامديين.. كفاية إن إحنا كلنا أصحاب مع بعضينا

أكتر حاجة بحبها في حياتي هي إني أعمل حاجة تحسس أمي أو أبويا أو حبيبتي أو واحد صاحبي أو أي حد بحبه إني راجل وقد المسئولية

ليه شخصيتك امام اصصحابك وبذات فى المدرسه غير شخصينك الحقيقيه؟

بما ان انا اللي انت بتحبه لكن ده ميمنعش اني ازنقك في سؤال بيني وبينك عشان الحسد .. ما علينا.....المهم ايه اكتر وقت حسيت فيه انك راجل ويا تري كان احساس صح ولا طلع طيش مراهق....يا تري ايه ردك

ردي على الشبح.......

بص يا محمد أنا دايماً شايف نفسي حاجة كبيرة ... عندي ثقة في نفسي بطريقة فظيعة ،فوق ما تتخيل بكتير
دايماً بحاول أظهر بصورة الواد الجاهز المخلص اللي مفيش حد بيعرف يسد معاه...... يعني.... بحاول أتكيف مع البيئة الواطية اللي أنا عايش حوليها .. بس لما برجع وأفكر مع نفسي بحس إني زبالة

بس تعرف ..... أنا مش لاقي نفسي دلوقتي.... معتش لاقي عبدالرحمن الراجل الطيب اللي مفيش حد بيخاف منه

ردي على بيبو.......

بص يا لوللو يا حبيب قلبي أنا عمري ما وصلت لصورة الراجل الكامل اللي أنا رسمتها لنفسي في خيالي

وساعات بحس إني عمري ما هوصل ليها بسبب شلة بايظة أنا ملموم عليها
بس عامةً أكتر وقت حسيت إني راجل فيه هو لما رديت على واحدة قالتلي إنها بتحبني فقولتلها إني مش هينفع أكلمها علشان أنا بحب واحدة تانية.
يعني...... غير كدة محستش إني راجل زي ما أنا عاوز

انا بقا هسألك شوية اسئله بس عاوزك تجاوب بصراحه لان انا اعرف عنك ان انت صريح
1/انت بتحب بريتى ايز اكتر ولا عمر؟؟؟؟
2/ايه اكتر مره حسيت فيها بالذنب؟؟؟؟
3/ايه اكتر حاجه زعلت عليها فى حياتك؟؟؟؟
4/ايه اكتر حاجه بتحبها فى حبيبتك؟؟؟؟
جاوب على دول وهسألك تانى
مع تحياتى
ميدو غانم
وياريت تجاوبنى بكل صراحه

[انا عاوز اسالك سوالينالاول
[ايه هى نظرتك للحياة؟التانى انت ليه دايما بتتعصب بسرعة؟وهل بتندم على كدة؟

زائر

انا كمان عايزه اسالك اسئه بسيطه اوى

1- ليه انت دايما مش بتحس باللي حواليك ؟

2- لما بتجرح بتجرح اوى؟؟ ولما بتحب بتحب اوى؟؟

3- ليه كل حاجه حلوه بتحاول تخليها صعبه؟؟؟

4- ليه بتحلل لنفسك حاجات وتحرمها على اقربب الناس ليك؟؟؟ وليه ؟؟؟

يلا جاوب وبسرعه وبصراحه

ردي على أحمد غانم.............

والله هما الاتنين عندي قد بعض

لما إتهمت حبيبتي إنها بتكلم واحد صاحبي

أكتر حاجة زعلت عليها هي إن يومين جمصة دول يا غنومة خلصوا بسرعة... ونجاح كانت بتشتغلنا بالمسابقة ,, أظن أنت فاهم

أكتر حاجة بحبها في البت حبيبتي إنها طيبة .... ورقيقة .... ولسة بيضة من جوة

ردي على أحمد مسعد................

الحياة عبارة عن إستراحة صغيرة بنقض1ي فيها وقت حلو بس من غير ما ننسى إن الاستراحة دي ليها صاحب ليه قواعد وأوامر لازم ننفذها

أنا بتعصب بسرعة علشان بيبقى نفسي الواحد يفهم الموقف من أول مرة

طبعاً بندم إني بتعصب بسرعة لأني بجد بحس إني بزعل ناس ملهاش ذنب في أي حاجة

ردي على بريتي أيز..............

أنا مش فاهم إزاي ... ده بالعكس أنا دايماً بحاول أحس باللي حواليا وبحاول أتقرب ليهم علشان أحل مشكلتهم

هو ده الطبيعي أصلاً ,,, المفروض إن الواحد اللي بيعرف يعني إيه حب يتجرح لما يحب أوي

أنا بجد مش بعمل كدة ... أنا مش عارف إنتي ليه بتقولي كدة

وعلى العموم أنا مش بحرم على غيري حاجة ... بس كل إنسان جواه قدرات بيعرف من خلالها يتصرف وحسب القدرات دي ممكن الواحد يقول حلال أو حرام عليك اللي بتعمله في نفسك

بس تصدقي بالله أنا مش عارف إيه الاسئلة العجيبة دي.... ربنا يهديكي يا بنتي

سؤال صغيوووووور لعبده باشا السعيد بس يا ريت يجاوب بكل صراحه وصدق

من يوم ما عرفت الكحلاوى ايه مش عجبك فى شخصيته او ايه اكتر موقف دايقك منه ؟؟؟؟؟؟؟؟؟

بص يا استاذ عبده طبعا احنا اكتر من الاخوات ...ما علينا....المهم ايه عيوبك وايه فيهم اللي انت معترف بيه وعاوز تغيره وايه اللي غرورك منعك انك تصده......يا ريت الرد الصادق يا ابو صادق

عدد المساهمات : 4

[b]انت الوقتى ياعبدالرحمن بتقول ان انت ماشى مع شله بايظه صح......طب انت ازاى تقول كدا ادام الاعضاء مهو معنىكدا ان انت قصدك علينا لان احنا اصحابك ...فهسالك اسئله:

1_انت فعلا مش بتحب صحابك بتوع الوقتى ولو انى عارف ان انت زعلان منى؟
2_انت صاحبك لو حب البنت اللى انت بتحبها...ايه احساسك ؟
3_مين من اصحابك نفسك انه يبعد عنك وبتحس انه اصلا مش صاحبك؟
4_انت مش شايف ان من الغرورو ان انت تقول على نفسك جاهز!!!!!!؟
5_عمرك ماحسيت ان انت عملت حاجات غلط كتير؟
6_انت زعلان منى لو زعلان متجاوبش......؟

مع تحيات:amr_elnahla santa

لو يسمح ابو صادق اقول حاجة
انا عاوز اقول ان من يوم ما عرفته وهو عمره ما قال عليك حاجة يا amr او على اى حد من اصحابنا او حاول انه يشوه الصورة اللى موجودة عنكم
وانا اسف ان انا رديت بالنيابة عنه

اولا ازيك ياعبدو ثانيا عاوزة اسالك كام سؤال بس الاجابة تكن صريحة مباشرة ومن غير مراوغة 1-انت متاكد ان الانسانة اللي انت مرتبط بيها بتحبك زي مانت بتحبها او حتي اقل شوية لو ايوا اية اللي مخليك متاكد ولو لا اية السبب انا عارفة انة سؤال غلس بس خايفة علي ابن خالي والله 2-انت ندمت علي حاجة عملتها في حياتك لو ايوة اية الحاجة دي 3-انت رديت علي موضوعي
"الرجال وكيفية التعامل معها"......................انا اعتقد ان دي كل انواع الرجالة الموجودة في الدنيا عموما عرفني انت اي نوع وانا ادور لك عليه بنفسي وابعتهولك دليفري

بص ياعبده ياحبيبى انا هسألك شوية اسئله غلسه وغبيه عشان انا عارف ان لما دورى هيجى هتطلعوا عينى خد عندك سؤال: ما هي قمة الحيرة؟
سؤال : ما هي قمة الذكاء؟
سؤال: ما هي قمة الالم؟
سؤال: ما هي قمة العذاب؟
سؤال: ما هي قمة الادب؟
سؤال : ما هي قمة الذهول؟
جاوب ياعبده بس وحياة ابوك ما تشتم

ردي على الكحلاوي.................
بص يا حبيب قلبي أنا من يوم ما عرفتك ما شفتش منك حاجة غلط ..... أنا بالعكس دايماً بحس إنك بتتعامل مع الناس كراجل..... وأعتقد إني مفيش موقف دايقني منك خالص

ردي على بيبو.............
بص يا بيبو أنا مش شايف عيوبي كاملة بعيني.... المفروض إن أنت اللي تقولي على عيوبي لأن إنت شايفها أكتر مني

بس العيب اللي أنا معترف بيه بجد إن بضعف قدام شيطاني
والعيب اللي غروري مانعني إني أصده هو إني مش عارف إزاي أرجع طيب وغلبان زي ما أنا.

M~O~R~Y كتب:: [b]انت الوقتى ياعبدالرحمن بتقول ان انت ماشى مع شله بايظه صح......طب انت ازاى تقول كدا ادام الاعضاء مهو معنىكدا ان انت قصدك علينا لان احنا اصحابك ...فهسالك اسئله:

1_انت فعلا مش بتحب صحابك بتوع الوقتى ولو انى عارف ان انت زعلان منى؟
2_انت صاحبك لو حب البنت اللى انت بتحبها...ايه احساسك ؟
3_مين من اصحابك نفسك انه يبعد عنك وبتحس انه اصلا مش صاحبك؟
4_انت مش شايف ان من الغرورو ان انت تقول على نفسك جاهز!!!!!!؟
5_عمرك ماحسيت ان انت عملت حاجات غلط كتير؟
6_انت زعلان منى لو زعلان متجاوبش......؟

مع تحيات:amr_elnahla

ردي على موري.........
بس يا عمرو مش هتفرق زعلان ولا مش زعلان دي مش مشكلة هنا على المنتدى

1- أنا مش قصدي عليكوا يا عمرو أنا واحد زي أحمد طاهر ده أنا بعتبره أكتر من اخويا ... وهو عارف
2- بص اللي يحب البنت اللي بحبها عادي.... بس إنه يروح يكلمها وهو عارف إني بكلمها لسة وبحبها وهي بتحبني ... قده يبقى مش صاحبي
3- صاحبي اللي نفسي إنه يبعد عني هو شـ............ مش مهم بس هو الانسان اللي راح كلم حبيبتي مع إنه عارف أنها بتحبني.
4- ده مش غرور أنا بس بتعامل مع أصحابي وبعدين إنتوا عارفين عبدالرحمن على إيه...
5- يا عم أنا حياتي كلها غلط في غلط وأنت كمان عارف إن حياتك كدة
6- بص ...... أنا زعلان منك لأن مش موضوع صغير زي ده هتعمل منه حاجة كبيرة ومينفعش منك يا عم عمرو إنك تهددني لأن أنت عارف إني مش بهمني ولا إيه ....... بس لو كنت اتعاملت معايا كراجل كان هيبقى أحسن.... أنا شايف إن المفروض إنك لو بتعرف يعني إيه صاحب كنت استنيت عليا شوية

ردي على جوجو...........

أنا متأكد إني الإنسانه اللي بحبها دي بتحبني وأكتر كمان.... واللي مخليني متأكد إنها ضحت بكل حاجة عندها حتى صورتها قدام أهلها علشان خاطري
أنا ندمت على حاجات كتير بس اللي الحاجة اللي ندمت عليها بجد وكنت بتمنا إني أرجع بالزمن علشان معملهاش... إني كلمت واحدة وحبيتها وهي عيشتني الدور وفي الآخر تخدعني.
النوع اللي مش موجود في موضوعك بتاع أصناف الرجالة هو.... الراجل اللي بيكسر نفسه علشان حبيبته اللي إكتشف إن من كتر ما هو كان متسيب في حبه ليها ومش قد المسئولية اللي هي اديتهاله هي كانت هتضيع منه وكان بيحاول بأي الطرق إنه ميزعلهاش حتى لو هيجي على كرامته.... ولعلمك النوع ده هو أنا ..............أنا ممكن أبقى شديد خالص مع كل الناس وبتعصب من أقل حاجة وبعلق على أي تصرف غلط..... بس مع حبيبتي ببقى زي القطة أو الدبدوب الحلو

اهلا بيك ياغالى على كرسى الاعتراف وعندى شوية اسئلة ليك يارب تكون خفيفة على قلبك

-امتا مر عليك وقت ونتا مضايق او مخنوق من الدنيا وهمومها وكان نفسك يكون ليك حد بتحبو عشان تشكيلو ؟؟؟؟

هل الغيره فى الحب من وجه نظرك انانيه ولا لازم يكون فى غيره ؟؟؟؟؟؟؟

حادثه حصلت لي وعمرك ماتنساها؟

من من الاعضاء تقول له

انت رقيق ؟؟
من العضو الذى يهمك تعقيبة على مواضيعك دائماً؟؟

اذكر اسماء ثلاث اعضاء بدون تفكير؟؟
ميزات كل عضو من اللى ذكرتهم؟؟

عيوبه ؟؟

لو طلبت منك تعط نسبة% لكل ما اذكرة اليك ..... اعطى النسبة بناء على حياتك انت:

الحزن - الفرح - الامل - الحب - الخداع ؟؟

ايهما اقوى بداخلك احساسك ام عقلك؟؟

وكمان شويه اسئله صغيرين
للحياه مراحل عديده ولكل مرحله من مراحل العمر طعم مختلف.
*ما أجمل مرحله عمريه مرت عليك ؟ولماذا؟
* ماهي أجمل ذكرى لاتزال عالقه في ذهنك ؟
* ماهي اسوأ ذكرى لاتزال عالقه في ذهنك ؟
* ما هو الشيء الذي تخاف منه؟
*ماذا تحب أو تكره في شخصك؟

zizo@egylovers كتب:: اهلا بيك ياغالى على كرسى الاعتراف وعندى شوية اسئلة ليك يارب تكون خفيفة على قلبك

-امتا مر عليك وقت ونتا مضايق او مخنوق من الدنيا وهمومها وكان نفسك يكون ليك حد بتحبو عشان تشكيلو ؟؟؟؟

هل الغيره فى الحب من وجه نظرك انانيه ولا لازم يكون فى غيره ؟؟؟؟؟؟؟

حادثه حصلت لي وعمرك ماتنساها؟

من من الاعضاء تقول له

انت رقيق ؟؟
من العضو الذى يهمك تعقيبة على مواضيعك دائماً؟؟

اذكر اسماء ثلاث اعضاء بدون تفكير؟؟
ميزات كل عضو من اللى ذكرتهم؟؟

عيوبه ؟؟

لو طلبت منك تعط نسبة% لكل ما اذكرة اليك ..... اعطى النسبة بناء على حياتك انت:

الحزن - الفرح - الامل - الحب - الخداع ؟؟

ايهما اقوى بداخلك احساسك ام عقلك؟؟

وكمان شويه اسئله صغيرين
للحياه مراحل عديده ولكل مرحله من مراحل العمر طعم مختلف.
*ما أجمل مرحله عمريه مرت عليك ؟ولماذا؟
* ماهي أجمل ذكرى لاتزال عالقه في ذهنك ؟
* ماهي اسوأ ذكرى لاتزال عالقه في ذهنك ؟
* ما هو الشيء الذي تخاف منه؟
*ماذا تحب أو تكره في شخصك؟

ردي على زيزو.........

أعتقد الوقت ده كان لما علافت إن أقرب أصحابي بيحاول يوقع بني وبين حبيبتي ... فشكيت في كل اللي حواليا حتى حبيبتي وحسيت إن الدنيا دي زي الكماشة

*الغيرة في الحب مطلوبة طبعاً علشان الغيرة دي هي اللي بتنشط المشاعر جوانا وهي اللي بتحسسنا إن إحنا بنحب وبنخاف على الحب ده وبنحاول ناخده لواحدنا..... بس لو الغيرة دي وصلت لدرجة الجنون أنا أعتقد إن دي بتبقى أنانية

* الحادثة اللي حصلت ليا وعمري ما أنساها ....هي كنت في يوم بقابل واحدة في جمصة وفجأه لقيت أخوها طب علينا .. وأنا ساعتها وشي جاب ألوان وحسيت إن روحي طارت..هههههههه

* العضو اللي أقوله أنت رقيق هو بيبوbibo
* العضو اللي يهمني تعقيبه هو playboy

* غانم والكحلاوي وغادة

* مميزاتهم"""غانم ... منتهى الرجوله ---- الكحلاوي ... أظرف ما يكون ---- غادة .... عقلها أكبر من سنها
بس أنا اعتقد إن ملهومش عيوب

* الحزن....60%
الفرح....40%
الأمل....70%
الحب....90%
الخداع...30%

* أنا مش بحس بحاجة عقلي مش مستوعبها ... ومش بفكر في حاجة وأنا مش مستريحلها ومش حاسس بيها كويس ..... يعني زي ما تقول الاتنين عندي بيكملوا بعض بس أعتقد إن إحساسي أكبر لأني ساعات قلبي بتخذ قرارات لما بفكر فيها بعد كدة بحس إنها قرارات ملهاش لازمة

* وأنا طفل صغير بين 5 إلي7 سنين ... لأني ساعتها كنت عبدالرحمن الطيب الأبيض اللي بيعيش في بيئته الطبيعية بين أسرته
* أجمل ذكرى ما زالت عالقة في ذهني هي عندما خرجت أول مرة مع حبيبتي.
* أسوأ ذكرى في خيالي هي لما لقيت أعز اصحابي بيحاول يكلم حبيبتي والكلام ده كان قريب قوي ... أما غير كدة فكل حاجة وحشة بحاول أنساها ومتعلقش بيها
* الشيء الذي أخاف منه هو المستقبل
* والله أنا شخصيتي مش شايف هي حلوة ولا وحشة ... بس بصفة عامة أياً كانت أنا بحبها كلها على بعضها يعني فيها حلو ووحش آه بس كله حلو بالنسبة ليا