امتحان لغه عربيه لكل اعضاء منتدى شباب وبنات برجاء الحل

بمناسبة موسم الأمتحانات
وياريت نحل الامتحان
واللى حيغش حيروح النار
ممنوع الغش من اللى جنبك


السؤال الأول: التعبير
اكتب ما لايقل عن 1200 سطر فى أحد الموضوعات التالية:
(1) لم يجد الطفل غير الشارع ملجأ نظرا للحالة الاقتصاديه للبلد ..فاتجه إلى السرقة والقتل والحشيش.. حتى قبض عليه متلبسا بباكتة بانجو..... اكتب قصته مع تسليم الحِرز للباشا مراقب اللجنة

(2) شهدت مصرنا الغاليه نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

السؤال الثانى: القصة
من قصة ' والله ما انت مرشح نفسك' .. اقرأ القطعة وأجب عن الآتى
ثم أتى إليه وضربه جوزين اقلام وقال: انت عايز تترشح فى الانتخابات يا...(تييييت) اوضاع ايه اللى انت عايز تغيرها؟؟ مش كفاية بتاكلوا لحمة ومستورين.. عايزين إيه تانى؟

ما هى اللحمة؟ أو على الأقل حدد أقرب معنى خيالى لها


السؤال الثالث : النصوص
من قصيده (ماشربتش من نيلها)
"ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها"

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية

(أ) اختر..ما المقصود بنيلها فى النص؟ المسيسبى - الأمازون – ترعه شيكاغو

(2)فى النص اسم مهم من قيادات الحزب فى النص.استخرج الاسم..وبوسه من بقه ورجعه مكانه تانى



وبالنجاح والتوفيق فى عدم القبض عليك من أمن الدولة

ههههههههههههههه


تحياااااااااااااتي

شكرااا يافراشه



وبجد امتحان صعب مووووت
ههههههههههههههههه

شكرا يا فراشة ونرجو المزيد

مرسي اوي الامتحان جامد جامد اخر حاجه

انا عمرى ما بحب العربى بس من بعد ماشفت الامتحان ده ممكن افكر ان انا احبها

الحاجة الوحيدة السهلة التعبيييييييييييييييير الباقى كله صعب

بجد والله حرام يا فراشه
احنا ما صدقنا خلصنا من الامتحانات وكانت صعبه مووووووت
بس والله مشكوره موضوع فعلا ملائم للحياه اللى بنعيشها
ونتمنى المزيد منكى
مع تحياتى
ميدو غانم

بجد الرد ده من قلبى فكرة الامتحان دى جامده جدا ويارب تجيب مواضيع احسن واحسن بس ياريت تقوليلنا على مواعيد الدرس عشان انا ناوى اخد درس لغه المفروض انها عربيه عندك هههههههههههههههههههههههه

مشكورة يافر اة على الامتحان الصعب اواى دا اللى انا مش عارف احله