shababwebanat
Admin
عدد المساهمات : 292
الموقع : مش لاقي حته أنام فيها
العمل/الترفيه : طبيب لكل من لديها مشكلة عاطفية
المزاج : يوم كدة ويوم كدة ... بس كدة ده إيه ؟ متعرفش
 |  موضوع: حصريا الى عندنا مش عند غيرنا:: اسرار تامر حسنى عن الحب و الرومانسية  الأحد مارس 29, 2009 11:15 am | |
| تامر حسنى ....... السر
تامر .... تامر فقط بدون حسنى بدون القاب ..... تامر الانسان،
الصديق، الاخ، الابن، و العاشق. بعيد عن الشهره و الاضواء،
فى حوار حميم على مدى ساعتين تبادلنا الذكريات، الاسرار و الامال.
الكثير منا يعرف تامر المغنى، الممثل، الملحن و الكاتب.
قليلون جدا الذين يعرفون تامر الانسان و على وسع شهرته
و لكن دائرة الموثوق بهم ضيقه جدا. فى هذا الحديث الحميم
دخلنا الى اماكن كانت تحمل سابقا لافتة ممنوع الد******* و داعبنا مشاعر لم تمس من قبل.
.
بسؤال بسيط و لكن يحمل العديد من الاجابات بدأنا باكتشاف تامر الانسان.
ايه هو الحب؟
كلمه واحده، عطاء
عطاء من غير ما نستنا مقابل لان لو استنينا مقابل ده يبقى مجرد تبادل و ده ممكنن يحصل بين اى انسان و التانى من غير ما يكونوا بيحبو بعض بس اللى يحب بجد يدى و ما يستناش مقابل.
لو انت بتحب، ايه الحاجات اللى ممكن تديها لحبيبتك؟
حياتى كلها هتكون تحت امرها كل حاجه بتاعتى هتكون ليها،
حبى و حنانىو اهتمامى و رعايتى و حمايتى.
مش هقدر استحمل انها تكون عايزة حاجه و انا مقدرش اديهالها.
هاديلها تامر كل تامر
.
الحب و الكبرياء ممكن يجتمعوا مع بعض؟
مستحيل!! لو انا و حبيبتى بنحب بعض مفيش مكان لكبرياء او كرامه بينا،
لو احنا مع بعض و لاحظت ان رباط جزمتها مفكوك
هنزل فى وسط الشارع و اربط لها الرباط. ممكن ابكى فى حضنها
و يبان قدمها ضعفى و اقولها انى محتاج لها انها ملاذى و ملجأى.
انا ممكن اكون فى شغلى و بزعق و متعصب و جد جدا و اخرج
من الشغل اترمى فى حضنها و اكون زى الطفل.
….
معنى كده انك مش هتتكسف تبكى فى حضنها؟
ايوه مش هتكسف و مين غيرها يشوف دموعى؟؟
و لكن .... مستحيل ابكى لو هى بتنهى علاقتها معايا لان ده هيكسر صورتى قدامها للابد.
.
و ايه اللى ممكن يخليك تبكى؟
الظلم!!
و لو شفت واحد نفسه يعمل حاجه قوى و مش قادر يعملها.
كمان انا ممكن ابكى من مشهد مؤثر فى فيلم زى فى فيلم حين ميسره
لما الولد كان بيترجى مامته اللى ربته انها متسبهوش المشهد ده خلانى ادمع فى لحظه
لو اتجوزت و لقيت نفسك مش سعيد مع مراتك ممكن تطلقها؟
مستحيل!! انا اتحرمت من ابويا و مستحيل انى اخلى ولادى يحسو الاحساس اللى انا كنت بحسه كل يوم.
ممكن تعرف ان بنت بتحبك من غير ما هى تقولك؟؟
طبعا ممكن. من تون صوتها و حراكاتها و نظرتها ليا و اكتر حاجه لو حاولت على قد ما تقدر تخبى حبها كل ما تحاول تخبى كل ما يبان عليها اكتر.
.
الشتا ولا الصيف رومانسى اكتر؟
الشتا ..... برد و احلى حاجه فى البرد ان الواحد يدفى فى حضن حبيبه.
.
تحب تتمشى على البحر ولا تحت المطر؟
تحت المطر.
النت و الولد لما يكونو بيحبوا بعض يكون شكل العلاقه ازاى؟
بصى علاقة الحب زى العربيه لو البنت وثقت فى الولد انه بيعرف يسوق هتركب معاه....... خلاص يبقى تسيبه يسوق.
.
يعنى تحب تكون انت الطرف المسيطر؟
ايوه بس هى مش سيطره هى حمايه و خوف عليها الحقيقه بتقول انى الطرف الاقوى فى العلاقة و انى الاقدر على حمايتها و البنوته الحقيقيه تحب تحس بالحمايه دى
قوللى على موقف مجنون او مضحك حصلك
اقولك ..... كان فبه بنت كنت لسه ببتدى معاها قصة حب فى المدرسه فى ثانوى و كنت عايز اشوفها فقررت انى اعمل روميو وواثق من نفسى جدا رحت رايحلها تحت البيت و كانت هى ساكنه فى الدور الاول رحت متسلق الشباك الارضى و طالع قاعد على شباك اوضتها و هى تقوللى انا خايفه بابا ييجى و انا اقولها بابا مين يا بنتى انا موجود ماتخافيش و فجاه لقيت ابوها بيتسلق و طالعلى رحت ناطت جوه الاوضه مانا مفيش قدامى سكه تانيه و طلعت من الاوضه على باب الشقه عشان اهرب بفتح الباب لقيت ابوها فى وشى طلعت اجرى لجوه و بقيت الف حوالين ترابيزة السفره و امها طلعت على الصوت و ابوها عمال يقولها "حلقى ... حلقى يا زيزي" فى الاخر طلعت اجرى على الاوضه و نطيت من الشباك
طب و البنت؟؟
ماشوفتهاش فى المدرسه تانى .... اختفت.......
.
بتصدق ان احلامك ممكن تتحقق؟
لو الواحد صدق احلامه بجد اكيد هتتحقق.
احلامك ايه لنفسك و لاهلك و لاخوك و لصاحبك و لبلدك
لنفسى.... ان لما يقولو فيه فنان بيعرف يغنى و يمثل و يكتب و يلحن يقولو اسمى
و ف حياتى الشخصيه... اتجوز بنت بحبها.
لاهلى..... انهم يعيشوا فى سعاده و ميشفوش يوم وحش تانى
لاخويه..... ان ربنا يخليه ليا و نفضل نشتغل مع بعض طول عمرنا
و لصديقى.. "محمود" ... ان صداقتنا تستمر طول العمر، انا عرفت محمود فى وقت كنت بقول فيه مفيش حاجه اسمها صديق، حبينا بعض فى الله زى ما كنا بنخرج مع بعض كنا بنروح نصلى مع بعض.
لبلدى...... تامر اتنهد قوى و قال ... حاجات كتير
نفسى الظلم يختفى
و الزحمه تخف شويه
نفسى نبطل نشتم بعض فى الشارع
نفسى نبقى احلى و اشيك بلد
نفسى المساجد و الكنائس تتملى بالناس
نفسى ميبقاش فيه حاجه اسمها مسلم و مسيحى عشان ده عمره ما كان موجود
نفسى...
.
ايه اكتر فيلم بتحبه، اكتر اغنيه و اكتر كتاب بتحبه
فيلم: اشاعة حب
The Ghost
Just Married
و اغنيه ..... انا لك على طول و
Earth Song “Michael Jackson”
كتاب The secret
.
بتحب السفر؟
لا انا مبحبش اسافر و لما بسافر فى شغل بكون مستنى اليوم اللى ارجع فيه و بكون سعيد جدا انى راجع
بتحب الاطفال؟
قوى... و بعرف اتعامل معاهم كويس و اعرف اسكت بيبى لو بيعيط
بتحب الحيوانات؟
جدا و الكلاب بذات و بتصعب عليا جدا!! انا كان عندى قطه اسمها ميشو كان مستحيل اسيبها لوحدها ابدا لازم يكون حد معاها.
فى تصوير كابتن هيما كان فيه قطه ولدت فى لوكيشن كنا هنصور فيه خليتهم غيرو مكان اللوكيشن بعيد عنها شويه عشان كانت خايفه جدا على ولادها و جبتلها اكل و بقينا اصحاب قوى
ايه الحاجه اللى لازم تكون معاك و انت خارج
صلاتى. لازم اكون مصلى
و الموبايل
و محفظتى
و الجيتار لازم يكون فى العربيه دايما
.
بتحب الشيكولاته؟
اه قوى
.
تعرف ان الراجل اللى بيحب الشيكولاته بيفهم البنت قوى؟
ايوه و كمان بيعرف يحسسها بانوثتها
ايه مقولتك المفضله؟
كما تدين تدان.
”
ايه هى رسالتك؟
الحب رسالتى
| |
|
